బాదం చెట్టు
ఆశలన్నీ రాల్చేసుకుని
హేమంతంలో
చివురులు వేస్తూ మాఘంలో
చేయెత్తి నమస్కరించింది ..
తోట నిశ్శబ్దంగా
ప్రార్ధిస్తూ , కిరణాల
వెలుగులో మొగ్గలని
తడిమి చూసుకుంది..
ఏ రంగో ఏమిటో
అంటూ ఆదుర్దా లేని
మొగ్గలు ఇష్టంగా
రంగురంగుల్లో విరిసాయి ..
హేమంతం
బరువు బాధ్యతలు
దింపేసుకునే కాలం అయితే
వసంతం తలకెత్తుకునే కాలం.
పొందడం ,
పోగొట్టుకోవడం
తిరిగి ఆశలు పెంచుకోవడం
ప్రకృతి నేర్పే పాఠాలు..
ఇవాళ్టి పోగేసిన మాటలు.
05 02 2020
కామెంట్లు లేవు:
కామెంట్ను పోస్ట్ చేయండి