హాపీ హోలీ అందరికీ

ఆకు రాలుస్తున్న చెట్టు కి తెలుసా

చిగురాకుల చికిలింత దాగుందని

నేల రాలిన పూవు కి తెలుసా

కొమ్మ కొమ్మ కీ మరి కొన్ని పూలు

పులకరిస్తూ పలకరిస్తాయి అని

తెలుసు అనుకుంటా

అందుకే యే బెంగా లేదు వాటికి

అయిపోయిన రోజు ,ఘడియ గురించి

మనకే ఎందుకో చింత ?

కాలం రెమ్మకి ప్రతి ఉదయం ఒక పువ్వు

పూస్తుంది ,అదే ఈ రోజు ..

ఆశల మారాకు వేయనీ

రంగు రంగుల పూల జల్లుల

హోలీ జరుపు కుంటున్న ప్రకృతి

ఎన్నెన్ని సందేశాలు ఇస్తుందో ,

మనసున రంగులు మాయనీకు అని

ఎన్ని రంగులు ఉన్నాయో ,ప్రకృతి లో

మనిషి లో అన్ని రకాలు అని ,

యే పువ్వు ,యే మనిషి ఒక్కలా ఉండరు

వైవిధ్యాన్ని ఇష్టపడి గౌరవిస్తే

మనసుకి ఎంత శాంతి ?

రంగుల పండగ చేసుకో ఈ రోజు

మనసులో రంగుల వైవిధ్యం నింపుకో ..

హాపీ హోలీ అందరికీ