ప్రతిభ మూర్తి ఆత్మ కి శాంతి లభించిందా

ప్రతిభ మూర్తి ఆత్మ కి శాంతి లభించిందా  ?  యావజ్జీవ కారాగారం, బ్రతికినంత కాలం అని వేసేరుట శిక్ష, ఏ శిక్ష వేసినా ఆమె జీవితం తిరిగి రాదు, ఎన్నో కలలు ,ఎన్నో, ఆశలు,  ఆమె కు, ఆమె చుట్టూ ఆమె కుటుంబ సభ్యులకు, ఏ తప్పు లేకుండానే ఆమె జీవితం మధ్యలో ఆగి పోయింది. ఇలాగ ఎంత మంది ని కోల్పోతున్నామో, మన సభ్య సమాజం, చూస్తూ, ఏం చేస్తోంది? 

స్త్రీలను అసభ్యం గా చూపించే దృశ్యాలు ఆప గలమా? ఐటెం పాటలు అంటూ అంగ అంగ విన్యాసాలు చేసే సినిమాల దృశ్యాలు ,అదే పని గా టీవీ ల లో చూపడం ఆప గలమా?  ఎక్కడ ఉంది ఈ ఘోరాలకు మూలం?

స్త్రీ   ని పూజించే సంస్కారం మనది అంటారు. పూజ కాదు కదా, ఒక మనిషి లాగ, ఒక వ్యక్తీ లాగ చూడ లేక పోతున్నారు. ఒక శరీరం ,ఇది, మన విపరీత కోరికలు తీర్చే ఒక ఆడ శరీరం ఇది అని ఒక మగ వాడు, తన హక్కు లాగ ,బలవంతం గా అనుభవిస్తూంటే, ఈ సమాజం సిగ్గు తో తల వంచు కున్తోందా   ? లేదు, టీవీ ల లో మళ్లీ మళ్లీ అవే సన్నివేశాలు, చూపడం, ఒక సున్నితత్వం, ఒక మర్యాద లేకుండా ,ఒక ఉత్సుకత  రేపే  వార్తా విషయం గా చూపడం , ఎక్కడా ఒక బాధ్యత కలిగిన సభ్య సమాజ స్వరూపం కని పించటం లేదు. 

ఈ మధ్యనే, ఒక మాటల సందర్భం లో, ఇక్కడ స్త్రీలకి రక్షణ లేదు అన్నవిషయం చెబుతూ, ఈ మధ్యనే జరిగిన ఒక అత్యాచారం గురించి చెబుతూ, ఆమె ను మూడు రోజుల తరువాత  వదిలి పెట్టారు, ఆమె ఆత్మ హత్య చేసుకుంది అని చాల మామూలు విషయం గా మాట్లాడారు. ఇంతేనా మన సభ్య సమాజం నుంచి ఆశించేది.

ఈ సమాజం గవురం కాపాడడానికి   ఆమె తన ప్రాణం ఇవ్వడం ఒక ధర్మం అన్నట్టు మాట్లాడితే, ఎన్నేళ్ళు అయినా మనం మన స్త్రీలకి సరి అయిన స్థానం కల్పించాలేమా ? ఈ సమాజం కదా తల దించు కోవాలి? 

మనం సరి అయిన వస్త్ర ధారణ చేసుకోవాలి, రెచ్చ కొట్టే దుస్తులు వేసుకో కూడదు, ఒంటరి గా రాత్రి వేళ తిరగ కూడదు, ఎప్పుడు ఒక మగవాని సంరక్షణ లో ఉండాలి, ఏ పశువు ఎప్పుడు కట్టలు తెంచు కుని ,వీధి మీద పడు తుందో అని, ఒక స్త్రీ, అనుక్షణం పుట్టిన దగ్గరి నించి, మెలకువ గా, తన స్త్రీతత్వం గురించి ఒక మెలకువ తో, ఒక జాగురకత   తో, మెలగాలి ట. ఇది మనకి ఈ సమాజం ఇచ్చే సందేశం.. పుట్టినప్పట్నించి.

వెయ్యి మంది మగ వారికి ఎనిమిది వందల మందే ఆడ పిల్లలు ఉన్నారు ట ఇప్పుడు, పుట్ట కుండానే చంపేస్తున్నారు. పుట్టుక తోనే మొదలు అవుతుంది ,అన్నమాట ఈ ఉనికి కోసం యత్నం.

రేపటి   తరం లో ఇంక మగ పిల్లలు , ఇంకా ఎన్ని అకృత్యాలు చేయ డానికి సిద్ధపడతారో, ఈ సమాజం ఏ దిగ జారుడు మెట్లు వేపు మల్లు తోందో, ఆలోచించ వలసిన సమయం విరుచుకు పడుతోంది.

అడవి లో పులుల్ని కాపాడమని సంతకాలు పెట్ట మంటున్నారు, ఇక్కడ ఇప్ప్పుడే ఆడ పిల్లల మనుగడ ,రక్షణ, ఉనికే, ముప్పు లో ఉన్నాయి.

ఎవరు ఎలుగెత్తి ఈ పిలుపు నిస్తారు, మనకి మనమే..

మనమే, మన ఉనికి ని కాపు కోవాలి, సమాజం అంటే మనం కూడా కదా..

 .