నా మదిలో భావాలకి ఒక రూపం..

శ్రమించి ఒక్క 

ఆకు పుట్టించలేవు 

మరి ఎందుకు 

చెట్టు ని నరికేస్తావు?

ఉషస్సు లో వాడి.

వేడి, 

వెన్నెల లో కూడా 

వేడే ?ఏమో ...

పూసిన ప్రతి పువ్వు 

ఒక రంగు,

చిత్రకారుడి కుంచె 

అలసిపోయింది ...

పసిపాప నవ్వు 

అందం..

బోసి నవ్వు కదా 

మరి ఈ ముసలి 

నవ్వు ...ఎందుకు 

చేదు ? భారమా?

రెండే చేతులు 

ఎంత తవ్వినా 

వెలుగు సంపద 

కరిగిపోదు ..

మధ్యాన్నం నడి 

నెత్తిన సూరేడు 

బలం ,సాయం 

సంధ్య కే చిక్కి సగం..

ఎవరన్నారు?

తీయ తీయని పలుకులు 

నీవని? ఓహో ...

ప్రేమ ఒక్కటే చాలు 

బతికేందుకు అన్న రోజే 

ఆకలి ,అన్నం...

ఎంత కఠినం నీ పలుకు..

విరహం వేదన 

ఒక నాడు,

కంటి నిండా 

నిద్ర కరువు 

నిదుర పొనీవు..

అలసిన భర్త..

సిమ్మాచలం కొండ 

మీద సంపంగె కే 

ఎందుకంత ఘాటు?

నృసింహస్వామి 

క్రోధం కాసింత 

దగ్గర మరి...

గోదావరి బ్రిడ్జి 

మీద రైలు 

ధనా ధన్ ..

గుండె కూడా 

అదే ..ధనా ధన్ 

తీయని బాధ ఏమిటో?

ఈ తీపి వెనక 

పంటి బాధ చెప్పింది..

నలుగురు చాలు ట 

నీ తుది మజిలీ కి 

ఒక్కరు రారు కదా 

తోడుగా నా వెంట..

ఋతువు కి 

ఒక గొంతు ఉంటుంది..

అదిగో కు హు..కు హు 

ఇదిగో వసంతం..

అదిగో ఘన ఘన 

మెరుపులు,ఉరుములు 

ఇదిగో వర్ష ఋతువు..

అదిగో ఆకు రాలు 

శబ్దం..నిశబ్దం..

అదే మరి హేమంతం..

ఇదిగో చండ ప్రచండ 

సూర్యుని ప్రతాపం..

అదిగో గ్రీష్మం..

అదిగో అస్సు అస్సు అని 

విరహ వేదన ..

ఇదిగో ప్రేమ చివుర్లు 

వేసిన కాలం..